Covid-19ရောဂါအတွက်ဆောင်ရန်ရှောင်ရန်များ

Welcome to learn life style

medical field ကမဟုတ်သော မိတ်ဆွေများအတွက်ပါ

~~~~~~~~~~~~~~~~~~~~~~~~~~~

❌Hair dryer ကနေ oxygen ရပြီး ရှူလို့ရတယ်ဆိုတာ မဟုတ်ပါ။

❌ရင်ကြပ်ရင် ရှူလို့ရတဲ့စက် (Nebulizer) နဲ့ အရေးပေါ် oxygen ရှူလို့ရတယ်ဆိုတာ မဟုတ်ပါ။

❌Covid ကရေနဲ့မတည့်ဘူးဆိုတာ မဟုတ်ပါ။ ရေချိုးလို့ရပါတယ် (oxygen ကျနေချိန် /ရောဂါပြင်းနေချိန်/နောက်ဆက်တွဲဖြစ်နေချိန်မှာတော့ ထပြီးလှုပ်ရှားရင် ဒုက္ခရောက်နိုင်ပါတယ် မလှုပ်ရှားသင့်တဲ့ အချိန်ဖြစ်နေရင် ရေပတ်တိုက်ပေးပါ)။

❌ကိုယ်မသိသော ( ပါဝင်ပစ္စည်းကို အဂ်လိပ်လိုရေးမထားသော ) တခြားနိုင်ငံမှဆေးများ အလွယ်မသောက်သင့်ပါ။

❌ကိုယ်မမြင်ဖူးသော အမြစ်အဖုများ/အပင်များ ကျိုချက်သောက်သုံးရန်မသင့်ပါ။

❌ဝက်သားရှောင်ပါ မျှစ်နဲ့မတည့်ပါ စတာတွေ မဟုတ်ပါ။

❌အသုပ်စုံစားပါ ငပိရည်စားပါဆိုတာတွေ မမှန်ပါ အသုပ်စုံ အစပ် များသည် အခန့်မသင့်ပါက ဝမ်းလျောစေနိုင်ပါသည် 

Covid 19 ကိုယ်တိုင်ကြောင့်လည်း ဝမ်းလျောစေနိုင်သဖြင့် မစားသင့်ပါ။

✔ လုပ်သင့်သောအရာများ

~~~~~~~~~~~~~~~~~

✔ ဘာကြောင့်ဖျားဖျား/ ချောင်းဆိုး/မောမော Covid ဟုသာသံသယထားမှတ်ယူပါ။

 

✔ အိမ်သားများနှင့် ဝေးစွာနေပါ mask တပ်ထားပါ။

✔ စတင်သောရက်ကို မှတ်ထားပါ နေ့စဉ်ဖြစ်သော လက္ခဏာကို ဆန်းစစ်ပါ။

✔ ကိုယ် တိုင်ပင်ဆွေးနွေးနိုင်မည့် ဆရာဝန်ကို ရှာဖွေပါ ဆက်သွယ်ပါ( ရောဂါအခံရှိပါက အကုန်ပြောပြထားပါ)။

✔ ဆရာဝန်ညွှန်ကြားချက်အတိုင်း စစ်ဆေးရန်လိုသည်များကို စစ်ဆေးပါ (သွေးဖောက်ခြင်း ဓါတ်မှန်ရိုက်ခြင်း)။

✔ oxygen အိမ်တွင်မရှိပါက ရနိုင်မည့်နေရာများကို ဆက်သွယ်ထားပါ။

✔ လက္ခဏာစပြသည်မှစပြီး အသက်ရှူလေ့ကျင့်ခန်းလုပ်ပါ oximeter ဖြင့်တိုင်းပါ မှောက်အိပ်ပါ။

✔သန့်ရှင်းလတ်ဆတ်သော အာဟာရပြည့်ဝသော အစာများများစားပါ ရေများများသောက်ပါ အနားယူပါ အိပ်ရေးဝဝအိပ်ပါ။

✔ လက်ရှိသောက်နေသော အားဆေးများအပြင် ဆရာဝန်ညွှန်ကြားသောဆေးများ သောက်ပါ(မိမိသဘောဖြင့် မသောက်ရပါ)။

✔ ရောဂါ အတိုးအလျော့အား ဆရာဝန်ထံလိုအပ်သလို ပြောကြားရန်လိုပါသည်။

✔ လိုအပ်ပါက oxygen ရှူခြင်း ထိုးဆေးထိုးရန်လိုအပ်ခြင်း ဆေးရုံတက်ကုသရန်လိုအပ်ခြင်းများကိုဆရာဝန်မှ ညွှန်ကြားပေးပါလိမ့်မည်။